Draumefjell - NN

Draumefjell er ikkje ein plass ein reiser til – det er ein plass musikken tek ein med til.

Når de skal på konsert med Lajla Renate Buer Storli og John Ole Morken på skulen dykkar, spelar dei spenstige slåtter og syng gamle forteljingar med rare ord om vakre vårdagar. Med kveding, flatfele, hardingfele og gitar tek dei oss med til sitt eige Draumefjell. Anten ein er lukkeleg, trist, sur eller hoppande glad er Draumefjell den beste og tryggaste staden i verda. Der skjer akkurat det ein vil.

Musikk:
Alle regionar i Noreg har sine særprega musikktradisjonar. Både  hardingfeleslåttar langs Sognefjorden og arbeiderviser langs Akerselva i Oslo representerar ein viktig del av vår nasjonale og lokale kulturhistorie. Vi har også viktige musikktradisjonar av nyare dato frå ulike innvandrarmiljø. Kjennskap til desse tradisjonane er eit positiv fyrste steg i avmystifiseringa av framande kulturar. Museum, folkemusikkarkiv eller lokale utøvarar kan vere viktige ressursar for skulen når den undersøkjer musikktradisjonar frå sitt nærområde eller region.

Norsk:
Ein viktig del av den tidligaste norske litteraturen finst i middelalderballadar og episke dikt, til dømes Draumkvedet, som er blitt munnleg overlevert i fleire hundre år. Norsk visearkiv, www.visearkivet.no, har samla mange av desse tekstane frå heile landet. Stev er ei viktig form for folkedikting. Å skrive eigne stevtekstar kan vere både utfordrande og morosamt!

RLE:
For 200 år sida var kyrkjemakt og tru sterkare element i vårt samfunn enn i dag. Salmesong og skillingsviser var berarar av felles samfunnsverdiar. At vi ikkje har eit så sterkt og heilskapleg trussamfunn i vår tid skapar også føringar for våre tradisjonar og vår kultur i dag. Korleis har musikk, dans, teater og visuell kunst endra seg på grunn av dette?

Kroppsøving:
Ringdansar, pols, vals og reinlender er lette å lære. Laus- eller hallingdans kan vere ei flott danseform for dei som likar spenning, fysiske utfordringar og konkurranseelement i dansen.

• Arrangert av: Rikskonsertene
• Produsent: Torstein Ellingsen
  Rikskonsertene, tlf. 22 02 59 24
  E-post: te@rikskonsertene.no
• Idé/opplegg: Utøvarne i samarbeid med musikkprodusent for Rikskonsertenes skolekonsertordning i Buskerud, Scott Rogers.