Besøk frå Brasil NN

Det kjem fem musikarar på besøk til Noreg. Dei er frå byen Niteroi, utanfor Rio de Janeiro, den største byen i Brasil. Dei spelar choro-musikk og har alle opptredd med nokre av dei største musikarane i Brasil.

Choro betyr ”liten gråt”, men er eigentleg ei ganske glad og munter form for musikk som oppstod i Rio de Janeiro i Brasil for over hundre år sidan. I Argentina har dei tango. I Brasil er choro folkemusikken og forløparen for dei meir kjende musikkformene samba og bossa nova. Men no har choro igjen blitt veldig populært i Brasil, og blir spela overalt.

Vanlege instrument i choro er gitar med sju strenger, ein cavaquinho, som er ein mini-gitar med fire strenger, og rytmeinstrumentet pandeiro – ein tamburin med trommeskinn på.
I denne konserten er det Celio de Caravelho som spelar rytmeinstrument. Celio kjem også frå Niteroi i Brasil, men han har budd mange år i Noreg. Celio snakkar norsk, og er den som skal fortelje om musikken dei spelar. Det kjem til å vere nokre songar som handlar om dyr, og som kanskje høyrest litt ut som dyr?

Dessutan skal alle lære nokre ord på portugisisk og prøve å danse samba! Gjestene våre frå Brasil har også øvd inn ein norsk song som alle barna kan vere med og syngje saman med dei, nemleg ”Bamses fødselsdag”. Hugs å øve de også!

• Arrangert av: Rikskonsertene
• Produsent: Torstein Ellingsen, Rikskonsertane.te@rikskonsertene.no
  tel: 91 71 38 77
• I samarbeid med: Rikskonsertane, Utenriksdepartementet og IMMUB (Instituto Memoria Musical Brasileira) i Brasil.
• Idé/opplegg: Instituto Memoria Musical Brasileira (IMMUB) og Rikskonsertene startet i 2012 et langsiktig musikksamarbeid mellom Norge og Brasil (2012-2014).
   
  Målet for samarbeidet er å skape plattformer og møteplasser som sikrer barn og unge i særdeleshet en bedre tilgang til kulturelle goder og deltakelse i kulturaktiviteter, I tillegg til å styrke kulturell infrastruktur ved musikkutveksling mellom de to landene. Programmet Aprendiz, der barn og unge får stryker- og korundervisning, står sentralt i samarbeidet. Barratt-Due er involvert i prosjektet gjennom å undervise og styrke ensembler, såvel som å bidra med instrumenter og utstyr
   
  Prosjektet skal bidra til å oppfylle UNESCOs International Music Councils’ menneskrettigheter innen musikk.