Samba rundt bordet - NN

Det er to ting dei fleste tenkjer på når dei høyrer Brasil: fotball og karneval. Den veka det er karneval i Brasil, blir det spela samba i gatene, i store fargerike paradar. Det du kanskje ikkje visste, er at resten av året blir denne musikken som oftast spela på små kafear eller i intime konsertlokale.

Samba rundt bordet handlar om fire musikarar frå Brasil som er på turné i Noreg. Dei er svoltne og dumpar ned på ein kafé, der ein norsk servitør prøver å snakke med musikarane sjølv om dei ikkje kan same språk. Menyen på kafébordet får ei sentral rolle i framsyninga. Musikken som blir spela, er både brasiliansk og norsk, og publikum må hjelpe til og syngje med.
 

Vedlagt er note til songen Torskevisa med tekst av Thorbjørn Egner.
Det er fint om elevane øvar inn songen før konserten.

Framsyninga spelar på kulturforskjellar og likskapar mellom norskekysten og Brasil – eit viktig samarbeidsland for Noreg innan fiskeri og skipsindustri.

• Arrangert av: Rikskonsertene
• Produsent: Torstein Ellingsen, Rikskonsertene og Lene Mordal, Møre og Romsdal fylkeskommune
• I samarbeid med: Denne skulekonserten er ein del av eit større Brasil-Norge-prosjekt, i samarbeid med Møre & Romsdal fylkeskommune, Institute Memoria Musical Brasiliera (IMMUB) og Rikskonsertene og UD.Instituto Memoria Musical Brasileira (IMMUB) og Rikskonsertene starta i 2012 eit langsiktig musikksamarbeid mellom Noreg og Brasil (2012-2014). Målet for samarbeidet er å skape møteplassar som sikrar oarn og unge ein betre tilgong til kulturelle godar og deltaking i kulturaktivitetar. I tillegg skal samarbeidet medverke til å styrkje kulturell infrastruktur gjennom musikkutveksling mellom dei to landa. Programmet Aprendiz, der born og unge får strykar- og korundervisning, står sentralt i samarbeidet. Barratt-Due er involvert i prosjektet gjennom musikkundervisning i Brasil.
• Idé/opplegg: Lene Mordal, produsent Møre & Romsdal og Torstein Ellingsen, produsent i Rikskonsertene.