Lyden av Munch - NN

Korleis ville det høyres ut dersom måleriene fekk musikk?
Det er ein mann som har klart å måle eit bilde som du nesten får vondt i øyrene av å sjå på. Han heitte Edvard Munch. Han målte ikkje berre det han såg, han klarte og å måle korleis det kjennes ut når ein er forelska, sjalu, sint og redd.

Sidan Munch klarte å måle så du nesten kan høyre Skrik, hadde musikarane i bandet Sphinx lyst til å sjå om det var lyder og musikk i dei andre bileta hans og. I denne konserten speler dei det dei høyrer når dei ser på Munchs bilete. Det er akkurat som om musikarane snakkar om bileta, utan ord, med instrumenta sine. Dei gjer lyd til fargane, figurane og stemningane i måleriene. Og nokon gonger er det ikkje lett å sei om bileta blir levande eller om musikarane blir ein del av måleriet.

• Arrangert av: Rikskonsertene
• Produsent: Ingrid Kindem
• I samarbeid med: Rikskonsertene
• Idé/opplegg: Musikarane i samarbeid med Ingrid Kindem